CULTURA Y ESPORTE EN A BILLA DE LUESIA

Bambino luesiano

2009-03-13T12:17:00.005Z

Manuel Peña, fixada en Italia dende primeros d'otubre, do remata os suyos estudeos y practicas d'intepresa, compaxina o suya baruca, o balonzesto u basket, como bien en sabemos.

Güei esfiende as colors d'a colla Pro Recco Bk de Genova,do bibe, estando o chugador mas estacaus d'a liga, con una meya de 25 puntos en 30 menutez ye felizitau por a directiba d'o club , mesmo por l'afizión. A suya fazilidat sozial y esportiba ye fendo que Manuel, se sia conbirtindo en una persona prou querita en l'ambito esportibo arredol d'o suyo nuebo club. Antimas a aduyau a puyar d'as zagueras posizions a l'equipo y dixar-lo cuerteno en o que ye conoixito como a liga c2 italiana.

Seguntes o president d'a entidat, a incorporazión de Manuel ha estau mui positiba, mesmo animando a los chiquines a benir t'os partius, fa partizipe de a suya calidat a la resta, estando semellant debandita calidat como espotista a la de persona...

O president y a chent en cheneral no escatiman en falagüeñas alabanzas enta Manuel y a suya personalidat. Manuel prou contento con a situazión actual, bibe un suenio y beye que l'esfuerzo de todas istas añadas ye dando fruto.

A continar asinas!!

Mushing en L'Artica

2008-12-19T10:20:00.004Z

Como motiu d'a fetibidat de San Esteban , o proximo día 26 d'abiento, patron d'a localidat, o Conzello i Luesia ha presto unas chornadas de Mushing, trineus tiraus por cans.

As chornadas se dibide en dos: os paseyos en L'Artica con debanditos trineus, si no i hai nieu se fera con ruedas dende as 10 dic'as 12 de maitins, y dende as 15 dic'as 17 oras de tardis.

Acto contino en o Pabellon bi abra una exposizión-audiobisual d'ista displina, dende as 18 dic'as 20 oras.

Tos i asperamos! (aqui ta beyer más gran)

Un BIC más ta Luesia

2008-12-15T17:23:00.005Z

Luesia ha estau notizia istos díaspor bels motius. Un d'els ye que o Consello de Gubierno ha declarau sais nuebas proteczions patrimonials en Aragón, edifizios y yazimientos que quedan inscrtitos en o rechistro de Bienes d'Intrés Cultural (BIC) y dentre ellas se troba o Corral de Calvo d'o nuestro munizipio, situau en a marguin dreita d'o curso alto de l'Arba en un pueyo d'o mont de Fayanas. A localidat ya cuenta con dos BIC, o lugar y o Corral de Calvo, antimas de bellas figuras de garra importancia de Naturaleza , a sabiendas de lo que i hai...

Unatro afer que nos arrocla, ye o Zento d'Inbestigazión y Tecnolochía Agroalimentaria d'Aragón han descrito , por primera begada, 146 nuebas bariedaz de leguminosas d'orichen aragonés, en que a simient se conserba ta guardar a biodibersidat y t'a inbestigazión y l'amillora chenetica. Dentra ellas prou que si o Boliche i Luesia, una d'as chodigas más famosas d'o país y aclamadas por toda la redondanza.

O siñal de Luesia en Villava/Atarrabia (Nabarra)

2008-12-09T18:37:00.004Z

O siñal de Luesia ye estau protagonista en un d'os zaguers plenos que se zelebrón en a localidat nabarra d'Atarrabia. Un pleito por a colocazión de siñals, lebo a conzellera d'UPN (luesiana de sentimient) d'ista localidat a meter o siñal de luesia como siña d'identidat propia, antimas de i meter siñals d'Asturias y un d'Aragón sin d'escudo, lo que allora puede entibocarse con o siñal de Catalunya, asinas que dende aqui remeramos que cuan beluno se refiera a Aragón con un siñal, güe diya ha de lebar escudo foral.

Foto:Diario de Navarra

Toz istos afers han supuesto gran estrapaluzio en tierra nabarra, mientras que o siñal de Luesia ha estou protagonista en os periodicos nabarros. Ta más informazión podez penchar aqui

VTR-ASIN no rebla

2008-11-28T09:49:00.003Z

www.asin.tv

Toz sabemos d'o granizo potenzial d'ista colla, y de como s'ha refincau en o ran de plata, do chuegan. Sais bictorias consecutibas, les permiten disfrutar una semana más en o segundo puesto d'a clasificazión.

O proximo sabado, de tardis, biache ta Uesca, ta chugar contra o segundo clasificau, Boscos Uesca. Sin garra dandalo o millor partiu d'o segundo ran.

Dende Istas lineas cal remerar a toz, que güei diya, ye a millor colla esportiba con marca Zinco Billas, en toz os esportes que i se prectican , y que han de continar asinas ta empentar o Basket en una comarca en do parixe no que i hai garra esporte fueras d'o futbol. Agradezeremos siempre o treballo por l'esporte y a colaborazión con iste blog d'os chirmas Lillo, almas d'iste polido u granizo prochecto. Mas info:aqui

VII CROSS POPULAR "BILLA DE LUESIA" 2008

2008-11-03T19:23:00.003Z

O proximo 9 de Nobiembre se zelebrara en o zircuito abitual, "plano baixo d'a Bal" a setimaedizión d'ista prueba esportiba ubierta a cualsiquiera que deseye partizipar-ie. Arganizazión ye a corgo d'a quiesta Asociazión Cultural Fayanas

Estiaño o Cross presenta bellas nobedaz n'a organizazión d'a chornada y en espezial a lo relatibo a la chenta, s'aconsella por tanto leyer fito-fito o reglamento que puedes accezer dende aqui.

S'ha modificau o recorriu con respecto a o publicau anteriorment, al fese bellas obras d'acondizionamiento d' terreno por parti d'o Conzello.

ta mas informazión podez penchar aqui

Entrebista a Chusé "Sabino"

2008-10-26T21:06:00.010Z

Chusé Pescador, de Casa Sabino, ye una d'as personas que no amensitan garra presentazión, una persona esfensora d'a nuestra cultura , gran setero d'o lugar,gaiter y un camaton de cosas más, nos rezenta as suyas afizions y opinions.

De sobras ye sabiu que as setas ye una d’as tuyas pasions ¿Pero de do biene ixa afizión?

Si te'n digo a berdat no m’alcuerdo como prenzipie ista delera.Se suposa que como muita chen d’o lugar,prenzipie pillando os royos,pero a monico fui conoixendo nuebos fongos grazias a bel libro que merqué y me fue cuacando cada begada mas.Fer una gambada por o mont ye una güena terapia ta el que ye de contino en tierra plana y si antimás tenemos iste mont tan poliu que nos osequia mientras tot l’año d’asabelo de setas,tenimos asinas,esporte,cultura,dibersión y de cabo ta cuan gastronomia.

Se diz que iste ye estau mala añada tas setas,pero de seguras que tu en has trobau y no pocas,¿no?

Ista añada no imos pillao guaires setas pero isto no ye como principia sino como remata.Cada mont tien unas caracteristicas aillenadas ta cada espezie de seta. Ista añada imos pillau colmenillas,cazoletas,bel boleto d’estiu,rebozuelo y de cara a o agüerro, que por agora ye una mica xuto,bel rebollon,setas de cardo,bella rastrera y Rafel que ye prou azacan como yo,antimás unas amanitas cesareas,qui son prou difíziles de trobar-ne.

¿Y de gaita que me dices?.¿Como la lebas?¿Creyes que se podra fer bel diya una colla mosical d’ixa mena en Luesia?.

Tocar a gaita bien ye complicau porque como tot que se fa por afizion leba muito tiempo libre que no en puedes aprofitar en atras cosas,asinas que a lo que bas tenindo años a l’aspalda no queda muito tiempo y el que en tien lo emplega en afizions que en reyalidát t’empliban. Soi en segundo de gaita de boto y china-chana le boi pillando a marcheta y boi tañendo bella canta de a mosica popular aragonesa.Me feria goyo que bel diya se podese fer una colla de mosica popular en Luesia porque mosicos y taliento bi’n ha.Ya no te digo un danze propio como tien atros lugars pero por lo menos ta fer un pasabillas y fer pasar un güen ratet a os bezins ,que ye de lo que se trata.

¿Cualos consideras que son os prinzipals problemas d’o lugar,fueras d’a espoblazión?

No puedo estar obchetibo a ista pregunta,pues no’n tiengo garra y no coinzidiria con os problemas d’a resta de bezins que i biben a lo largo de l’año.Lo que si t’en puedo dizir ye que os bezins abriamos de fer un pechugazo para conoixer a cultura aragonesa (que no ye solo que jotas),y no perder nuestra identidát como pueblo y país que somos porque a resta de problemas i bienen solos y no fan que dibidir a os bezins.

Tienes gran pasión por Luesia,como cuasi toz nusatros ¿si surtise a oportunidát de treballar,i bendrias a bibir?.

Lo que ye platero ye que en Luesia se gana en calidát de bida.I soi estau un par de semanas treballando en o lugar y se i bibe muito millor que no en a ziudát pero no puedo mirar solo por yo, pues con Vicky ,Izarbe y a perdiganica que ye en camín bi ha que planteyase-lo d’ atra traza y mirar-se por o bienestar y a comodidát de toz. De todas trazas no lo descarto de raso.

Tamien estudies aragonés y fas un esfuerzo por charrar-lo mesmo con a tuya filla.¿Como beyes l’esbenidero d’ista luenga en o nuestro lugar?.

Como te he dito antis en iste aspecto soi algo desilusionau pues anque te comprometas con a cultura,a chen no creigo que siga conzienziada y no fa un esfuerzo ta mirar de mostrar bel intres por as suyas radizes y por o que a muita chen d’iste pais le costo un camaton de tiempo y treballo meter os alazetz.Pienso que d’o que un diya estio una casa con toda compayna unida,quedan os alazetz y ye por debantar-la por o que tenemos que esforzarnos ta que la ocupen otras chenerazions esbenideras.

De seguras que tienes mas afizions que no en conoxemos.Cuentanos.

Con a faina d’o diya a diya me queda poco de tiempo t’afizions,nomás me queda bel ratet t’a gaita,t’as setas y t’ achuntar-me con os amigos d’a cuadrilla ta charrar y pasar un güen rato,platero ye que si bi ha lifara l’inte ye encara más güenizo.

Bas a tornar a ser pai por segunda begada,¿has pensau bel nombre en aragonés?.

Somos en ello,pero no ye platero encara.Lo que ye platero ye que de seguras estara un nombre que tienga que beyer con Aragón y muito poliu ta nusatros.

Tot o mundo pregunta por o tuyo rechitar en o Puyal,¿De berdát plegara ixe diya?.

Me feria muito goyo tornar a chugar a o futbol y si estase en o Puyal m’enplibaria d’argüello, pues ha estau en a colla de futbol que mas identificau soi estau por as colors que esfendia y os güenos compañers que i teneba,pero con a lesion y os años que tiengo,creigo que o mas intelichent ye colgar as abarcas y dixar puesto a nuebas chenerazions que i bienen arreando fuerte.

Saludos, agradezimientos...

De primeras agradecer-te muito ista entrebista que m'has feito y dezir-te que contines asinas,fendo-te y trebaillando por o tuyo país y por esfender a identidát d’a tuya tierra que tamien ye de yo. Memorias ta toz os bezins de Luesia,en especial t’os que de bella traza amostran o suyo intres por nuestra cultura,igualmen güelos que chobens. Alcordar-me d’os que ya no i son con nusatros y se sentiban aragonesistas de raso. Un abrazo ta toz os amigos y compañers que m’aduyan a esnabesar ista bida t’adeban. Y como diz Andolz: Ta toz que son embrecatos y les fa goyo a fabla. Ta os que creyen que ye amortata. Ta os que prexinan que mái estié.

Entrebista feita de raso en aragonés, sin garra traduczión,Chusé ye un gran amant y conoxedor d'a nuestra luenga

Chornada senderista de Luesia

2008-10-26T19:35:00.003Z

O proximo diya 1 de Nobiembre, se realizara una chornada senderista por os monts d'o nuestro quiesto lugar organizau por l'Asoziazion Cultural Fayanas de Luesia.

A salida d'a marcha ye dende L'Artica (4,5 km de Luesia) a las 9:00 d'o maitin. O recorriu total ye de 18,6 km, incorporando a ruta botaníca 1 en o recorriu final. S'estima una durazión aproximada de 5 oras y a chenta se fera en o salon cultural d'a Billa i Luesia, alto u baxo a las 14,30 oras.

Ta más informazión, puncha aqui

Zaguers diyas de presentazión d'obras

2008-10-14T21:43:00.006+01:00

Remerar que o diya 31 d'Otubre remata o plazo d'entrega d'obras fotografícas d'o VII Concurso de Fotografia Rural '08 de l'Asoziazión Cultural Fayanas, anima-tos a patizipa-ie, que os premios son sucosos. Podez beyer mas info en :

http://www.acfayanas.org/fotografia.html

Foto:Ana Pilar Mur Torralba

Tramite de declarazión de Conchunto Istoríco

2008-10-14T21:23:00.006+01:00

Foto: Manuel Trujillo Berges

En o BOA de 24 de Setiembre de 2008, se notifica o tramíte d'audienzia a os intresaus en l'espedien t'a declarazión de Bien d'Intres Cultural, en o ran de Conchunto Istoríco, a Billa de Luesia (Zaragoza).

XII Chornadas Micoloxicas de Luesia

2008-10-06T17:17:00.004+01:00

O prousimo cabo semana 24 y 25 d'Otubre se zelebra en o lugar y os suyos mons as XII Chornadas Micoloxicas, con un programa encara no definiu. Iste auto ye organizau por l'Asoziazión Cultural Fayanas, como no.

Mas informazion podez beyer mas entaban en http://www.acfayanas.org/

Sapido ye que no ha plebido cosa, con tot y con ixo , de seguras que os millors seteros d'o lugar mesmo de difuera trobaran exemplars d'as mas deseyadas setas, encara que no en sian guaires.

Chodigas de Luesia

2008-10-06T17:03:00.001+01:00

Ya empezipia a cullida de toda mena de chodigas en o lugar , y encara que ya no queden guaires ortelanos ,no dixara d'estar a chodiga i Luesia una d'as millor d'o país.

Tornamos con a marcha

2008-10-06T16:05:00.005+01:00

Dimpues de bels meses d'escanso ziberneutico, tos pido disculpas y tos comunico que o blog contina ubierto ta cualsiquier coasa, nomas ez de nimbir notizias, fotos, diziendas... a o correu que i mete abaxo.

En breus tornaremos con as notizias:

-Notizias esportibas:Puyal CF, os chirmans Aragües, Cross Billa i Luesia, Senderismo...

-Notizias Culturals: Concurso de fotografia, Chornadas Micoloxicas...

-Protestas

-Entrebistas

-Mas y mas

Tos animo a colaborar-ie.

Os Aragües fendo-se más grans encara

2008-05-24T11:23:00.006+01:00

O chirman de Guillermo, Hector Aragües Miana,d'o Club d'atletismo Rio Arba de Taust, do biben, tamien contina os trangos d'o suyo chirman, y prou que los contina....iste cabo semana se proclamo Campión estatal de chabalina de 500 grms en ran infantil con una marca de 47'80m. Yera sin batir dende fa 14 añadas.

Cal remerar que Hector tien bels records d'Aragón: Triple brinco con 11'55 m, y o de combinadas (tetratlón) de 80 planos, 80 cletas, longaria y lanzamiento i peso.

Istos chirmans son una gran promesa de l'atletismo aragonés y dende aqui lis deseyamos muita suerte en as suyas esbenideras competizions, y a beyer si los beyemos luego por Luesia y que nos rezenten els mesmos.

V Zertamen Literario de l'A.C. Fayanas

2008-05-20T20:03:00.003+01:00

O diya 20 i Chunio remata o plazo d'entrega d'as obras d'o V Zertamen Literio organizato por l'Asoziazión Cultural Fayanas de Luesia, conbocau o zaguero 23 d'Abril, diya d'Aragón y diya d'o libro.

En ista zinquena añada bi ha una dotazión de 1200 euros en premios.Anima-tos a partipar-ie!!

Ta más informazion podez mira-tos o binien enraste:http://www.acfayanas.org/literario.html.

Nuebo bideo de Fotos de Luesia

2008-05-16T11:53:00.003+01:00

Dende fa bels diyas, os luesianos podemos desfrutar d'un nuebo bideo de fotos d'o lugar, ye penchau en YouTube, y chentileza de Kuxitril21. Ye un bideo prou repolido d'aluzernantes imachens d'o lugar y d'os suyos mons.

Primer cabo d'año d'o Blog

2008-05-12T19:37:00.003+01:00

Ya ha pasau un año, dende que iste blog emepezipio a andar y son asabelas las notizias que s'han penchau en el, pero encara ye más importan a chen que diya zaga diya leye iste puesto web arredol d'as notizias culturals y esportibas d'o lugar, de raso en aragonés, sabindo que ya a prenzipal funzión, a de estendillar a luenga dentre os leutors y a chen d'o lugar.

Cultura y esporte en a Billa de Luesia s'ha combertiu en un d'os blogs de raso en aragonés màs importans y besitados (sabindo que o 7% d'os blogs que se fan en Aragón , son en aragonés), iste puesto ha rezibui arredol de 6000 besitas, dende puestos que no podebamos prexinar en l'empezipie d'ista istoria, como son Archentina, Italia, Brasil, EEUU,Perú,Franzia,China....y más que más de puestos como Tarragona, Barzelona, Madri, Pamplona, Uesca, Zaragoza, Teruel, Logroño,....y Luesia!!

A toz busatros mil grazias!!!

Luesia ya ye B.I.C.

2008-05-12T19:28:00.002+01:00

Dende o pasau mes d'abril ,o lugar de Luesia ye Bien d'intres cultural (B.I.C.), asinas o patrimonio luesiano dentra en proteuzión y carauteriza a lo lugar como un d'os mas importans d'Aragón. Agora ye custión de toz de saber mantener a suya balura y riqueza.

4000x40

2008-05-12T19:16:00.003+01:00

Si asinas de fazil ye dezir-lo, pero unatra cosa ye fer-lo y millor dito, andar-lo. A marcha senderista presta ta o 31 de mayo por o nuebo Club de Montaña Fayanas ye en marcha y ya son ubiertos os plazos de conduta t'a mesma.

4000 metros de gradiello acumulau por 41 kilometros, qu'esnabesan a mayor parti d'a Sierra de Santo Domingo (Longars) y d'a Sierra i Luesia, la fa , puestar, en a marcha mas dura y estrema d'as que se'n fan en Aragón. Deseyamos una importan partizipazión ta que iste gran proyeuto que dara a conoxer o lugar y os mons de Luesia por asabelo de puestos, contine entaban con l'aduya de toz.

Ta poder partizipar-ie, cal conduzir-se antis d'o 20 de mayo. mas informazión en:http://www.acfayanas.org/

Una añada mas de suenios royiblancos

2008-05-12T19:05:00.003+01:00

Remató a temporda futbolera t'o Puyal C.F y lo fizo ganando a lo zaguer clasificau, America-La Llana por 1-2. Sabindo cuasi de seguras que no se chugara a Copa Federazión, a colla ya piensa en a prousima añada, en a parazión de berano, soniando con poder chugar en o campo d'a Bal,sisquia sia asinas.

O Puyal C.F. en una temporada una mica irregular contrimostro una millora en o chuego y en a rasmia en contimparanza con a pasada añada futbolera.A la fin han rematau os dozenos con 27 puntos. Tamien ha estau l'año d'a naxedura d'una d'as suyas más baliosas balors, a suya afizión, bautizada como Rasmia Royiblanca. Agora a escansar y pensar en a pretemporada de berano!Continad asinas mozez!

¡¡ Asín campión de liga !!

2008-04-07T21:02:00.009+01:00

Os nuestros bezins y amigos d'o Corraldebartolo.com, d'Asín, s'han proclamato campións de Liga en Ran de Plata (Bi ha dos), mancando dos chorandas t'a rematanza d'o campionato, abentachando en dos bitorias a os suyos encorredors.

Sin dandaliar, mas que un merexiu premio ta ista gran colla d'esportistas y más que más de buena chen, que tanto son fendo por o basquet en a redolada nuesta, empentando a suya prautica en cualsiquier puesto do baigan. Dende estas ringleras cal felizitar a ra colla en cheneral y a os chirmans Nacho y José Luis Lillo, artifizes d'iste granizo proyeuto y deseyar-les fuerza y rasmia ta contianr entaban con os suyos suenios...NORAGÜENA!!

Por atro costau y sin dixar o basquet, remerar o camin d'o nuestro más conoxiu chugador, Manuel Peña (Azuliber-Castellón), qui contina fendo trangos de chigan enta un esfenidero falagüeño tras dos terzios d'a liga. Titular en a seleuzión unibersitaria (Jaume I) y mausimo anotador, chugara d'o 21 anda o 25 d'abril os Campionatos estatals d'unibersidaz.

Peña tamien coordina a cantera d'o suyo Club, quitando alto u baxo una meya de 40 mozeticos aptos ta chugar en rans superiors.

Ye posible que podamos beyer a Manu por a nuestra tierra chugando bel partiu amistoso u de copa con os ya debanditos campions de Liga en Ran de Plata, os amigos d'o corraldebartolo.com.

Podemos adebantar con zierta seguridá que Manu chugra o prousimo año en una colla Italina, pero tos iremos informando seguntes tiengamos más informazión.

Dos oros t'Aragües en os Campionatos d'Aragón

2008-03-25T16:33:00.004Z

Puestar que sia o millor esportista que bi ha en o lugar y puestar que si un d'os que menos conoxemos,Guillermo Aragües Miana chunto a Ricardo Garcés son os nuestros más balidos atletas.

Aragües ,integran d'o club Atletismo Río Arba de Taust, consiguio dos oros en os zagueros Campionatos d'Aragón en as modalidaz de 60m cletas (de 0,84 d'alto) con una marca de 9,74 segundez millor marca estatal y en triple brinco con 11,55 m. que antimas de estar o recor d'Aragón infantil tamien en ye estatal.

Cal remerar que iste gran esportista y encara prou choben, tiene o recor d'Aragón de chabalina (700gr.) con 56,75 m. ; ye campión estatal de pentatlón con un camaton de recors en o suyo haber...enluzernate a carrera esportiba d'iste choben, do antimas o suyo chirman chiquin tiene un mirallo y ye continado l'exemplo.

Suerte Guillermo contina asinas que ye o buen camin!!

Chuan Alegre cambea futbol por montaña

2008-03-16T17:24:00.012Z

Uno d'os chugadors más beteranos y mas quiesto por toz , ha dezidiu pasar pachina a ra suya etapa como futbolero y dedicar-se de raso a ra montaña , una pasión que peren l'ha feito asabelo de goyo y en a que tiene prou ecsperienzia. Esporte y cultura a puesto charrar con el, y dende aqui li deseyaremos toda suerte d'o mundo, en os suyos nuebos afers,ta ista gran persona.

-Remata una etapa d'a tuya bida como esportista y empezipa unatra ¿Estara fazil xublidar-se de o futbol?

DE SEGURO QUE NO, SIEMPRE HE CHUGAO A O FUTBOL, DENDE CHICORRON, MAS QUE MAS A FUTBOL SALA, E ISTO ESTARA ASABELO DE DIFICIL DE XUBLIDAR-LO. NO SE SI ESTARA UN ADIOS DEFINITIU O BEL DIYA TORNARE A CHUGAR, PERO O QUE DE SEGURO QUE NUNCA XUBLIDA-RE, YE A OS CHUGADORS D´O PUYAL. HA ESTAU UNA EXPERENZIA ASABELO DE IMPORTAN TA YO. HE TENIU A OPORTUNIDA DE CONOZER A CHEN ASABELO DE GRAN. CHEN CON LA QUE NO TENEBA CUASI RELAZION Y QUE AGORA MESMO SON PROU IMPORTANS TA YO. CHEN CON A QUE HE APRENDIU UN CAMATÓN.

-¿Como beyes a naxedura d'o nuebo Ligallo de Montaña de l'Asoziazión Cultural Fayanas?

FA AÑADAS QUE YERA PENSANDO QUE EN O LUGAR MANCABA UNA COLLA DE ISTA TRAZA, MAS QUE MAS CON A SITUAZION CHEOGRAFICA EN A QUE YE. CUASI YERA OBLIGAU.MA PARIXE UNA NUEBA AUTIBIDA QUE PUEDE ESTAR ASABELO DE IMPORTANT TA LUESIA, Y TOT GRAZIAS A LA CHEN DE L´ASOZIAZION, A LA CUAL FELIZITO GRATAMEN POR A SUYA LABOR Y TREBALLO, QUE SON DISPUESTOS DE CONTINO A FER COSAS POR O LUGAR Y POR A SUYA CONBIBENZIA.

-¿Creyes que bi abra buena azeutazión por parte d'os luesianos a ras autibidaz en a natura u que estaran os foranos os que más las aprofeiten?

YO CREIGO QUE LA BASE ALAZETAL ESTARA DE CHEN D´O LUGAR, PERO QUE SI SE FAN AUTIBIDAZ POR O MON, NO SOLO QUE EN LUESIA, SI NO QUE POR ATRAS BALS TALMEN, CREIGO QUE SE AMANARA CHEN DE DIFUERA U MESMO BEZINS DE ATROS PUESTOS QUE I-SON A MAN, Y ESTARAN PROU IMPORTANS.EN ISTE TIPO DE COLLAS, A CHEN YE MUITO IMPORTAN, CUANTA MAS MILLOR, PORQUE CAL TREBALLAR PROU.

-A I Marcha Senderista Santo Domindo-Sierra de Luesia estara o primer gran reto d'iste Ligallo ¿Creyes que s'afianzara cara l'esbenidero?

ESTOI SEGURO QUE SI, Y MAS QUE MAS PORQUE SE HA TENIU LA "ABILIDA" DE CONTAR CON A F.A.M., QUE MUEBE PROU CHEN. A PARTIR D´ISTO, POR OS MONS QUE BI'N HA Y POR O RECORRIU PENASU, ESTOY SEGURO QUE TENDRA MUY BUENA AZEUTAZION. LO QUE CAL FER AGORA, YE PUBLIZITAR-LA, SOBRE TOT EN AS COLLAS DE MONTAÑA D´ARAGON, POR QUE A LA CHEN LE CUACARA.

-¿Luitara Chuan por empentar a toponimia reyal aragonésa d'os nuestros mons?

DE RASO. CON IXO NO BI’N HA DANDALOS, QUE DE SEGURAS QUE LO FERÉ. CREIGO QUE YE PROU IMPORTAN SEGUN A TRAZA DE PENSAR DE YO.

-¿Cualos son os tuyos obchetibos y como planteyas l'año?

L´OBCHETIBO ALAZETAL PRESONALMEN, YE METER-ME CAÑA EN A MONTAÑA, METER-ME DE PLENO EN A MIA COLLA (CLUB PIRINEOS) Y ADUYAR TOT O QUE SIGA EN A COLLA DE MONTAÑA DE L´ASOZIAZION. ISTA AÑADA QUIERO PRENZIPIAR A PUYAR A OS PICOS MAS IMPORTANS D´ARAGON, TOT CUAN TERMINE O CURSET DE ALPINISMO QUE SOI FENDO Y MIRAR-ME DE FER ATROS.

-Algo que añadir-ie.....(agradezimientos, sensazions....)

NO MAS QUE AGRADEZER A TOZ OS CHUGADORS D´O PUYAL, Y A RESTA DE CHEN, QUE HAN ESTAU CON YO ISTAS AÑADAS. PROFES QUE DARTE AS GRAZIAS A TU, POR ALCORDAR-TE DE YO, POR SER COMO YES, Y SOBRE TOT POR O TUYO BLOG, QUE YE UN MEYO DE DIFUNDIR A NUESTRA CULTURA Y O NUESTRO LUGAR. MUITAS GRAZIAS, CARLONS, UN POCHONET TA TU.

Remerar a toz que Chuan ye conoxedor d'a nuestra luenga aragonésa y que ista entrebista no h'amenistau garra traduzión.

II Concurso ¿Dó ye Luesia? , con l'aduya de CAI Torismo d'Aragón

2008-03-11T13:01:00.008Z

http://www.caiaragon.com/asp/utiles/mapa.asp?mapa=cincovillas.swf Si trobas Luesia, iste blog te regala un cabo semana ta dos personas en Paris u Longars, dó más t'agane! No ye solo que no lo i metan, ye que nian a carretera i plega...!!!! http://www.caiaragon.com/es/municipios/index.asp?idloc=15&tipo=1# (pencha en o mapa d'Aragón en dó salen as redondanzas) Grazias CAI!

Todo presto t'a "Iª Marcha Senderista Santo Domingo-Sierra de Luesia”

2008-03-09T18:56:00.007Z

O prousimo 31 de Mayo o nuebo Ligallo de Montaña de l'Asoziazión Cultural Fayanas fera a nobedosa "Iª Marcha Senderista Sando Domingo-Sierra de Luesia", una marcha prou dura y seriosa t'os más afizionatos a caminar por os mons, de 41'1km de recorriu largo y unatro curto de 27'7km, con chenta en a ermita de Santo Domingo(1540 m.). Ista marcha ecstrema ensabesara os más polius mons y puestos d'a nuestra redondanza, no solo de Luesia, si no tamien de Longars; una berdadera abentura t'os más atrebius que no dixara indiferen a dengun y que enluzernara con a suya belleza que cadagun cal queaprezie a ra suya traza. Un obchetibo platero ye consolidar-la y empentar ista marcha cara ta l'esbenidero, pero más que más l'obchetibo primeral ye que sia d'o goyo de toz y que bi aiga una buena organizazión, asinas que as cosas bien feitas estara a ricompensa d'iste nuebo Ligallo de Montaña de l'Asoziazión Cultural Fayanas, a qui le deseyamos suerte y animo a lo largo d'a suya ecsistenzia.

Dende iste puesto web tos iremos informando d'as nobedaz que puedan surchir respeuto d'a prueba. Por agora podez beyer mapas y condutas en :http://www.acfayanas.org/deportivas.html

Raúl Beltran lesionado

2008-02-21T17:39:00.003Z

A malasuerte en o Puyal C.F. estiaño biene en traza de lesions, y a ras ya debanditas de Chusé y Relancio cal adibir a de Raul ista semana.

Raúl Beltran, unos d'os chugadors alazetals d'ista temporada en a colla royiblanca, sufre una estorbadura en garra cucha, y encara que no se sape bien lo que ye, a falta d'un pronostíco una mica serioso que le'n feran a semana binien, as dolors impiden a o chugador fer cualsiquier mena de mobiemiento y s'aduya d'unas chancas ta poder caminar. Dende aqui li deseyamos toda ra suerte y una rapeda ricuperazión.

Animo Raúl, somos toz con tú!!

Lobera d'Onsella en Ambista

2008-02-21T16:58:00.003Z

Os amigos de l'Asoziazión Cultural Sesayo de Lobera d'Onsella , fan una presentazion d'o suyo ligallo y de toda mena d'autibidaz que i fan, en una d'as rebistas de raso en aragonés más importans, sobre patrimonio cultural d'Aragón.

O nuestro amigo Pascual Plano ,"alma mater" d'ista Asoziazión y de gran parti d'as autibidaz que se fan en Lobera ye l'autor de l'articlo, que podez beyer en: http://www.ambista.com/

Grazias por creyer y luitar por os lugars, continad con ixe gran treballo que fez no solo que en Lobera si no por toda ra Bal d'Onsella; no cal remerar-tos que aqui somos ta lo que amenistez.

Esprisons ta Pascual, ta Lobera, ta Sesayo y toda ra Bal d'Onsella.

Empezipia a batalla ziclista ta Carlos

2008-02-21T16:35:00.006Z

O prousimo sabado , o ziclista luesiano Carlos Asín (Goerna-Intrespa)empezipia unatra nueba temporada con muita delera y ansias. Carlos competira en todas as corridas d'a Copa Nabarra, que estiaño tambien dentra en territorio aragonés, antimas de partizipar en a "Vuelta Cantabria" a metá d'abril y a "Nafarroako Itzulia" (Buelta Nabarra)a primeros de mayo. Pero por agora ha zentrar-se en iste sabado, en a primera corrida de Copa Nabarra, en Tafalla a ras 15.30 oras, con un recorrido que se le fa de buena traza a lo corredor luesiano, con tres pasos por o puerto d'Artajona, o zaguero no más a zinco kilometros d'a plegada.

Pende en como baiga a temporada o corredor baraxa a posiblidá de correr os Campionatos d'Europa, pero sin dandaliar uno d'os plateros obchetibos ye o Campionato d'Aragón en ran Senior, que ya estio segundo a pasada añada.

Puyal C.F. China-chana

2008-02-21T16:15:00.003Z

Zaga bellas semanas sin de notizias por una aberia en o serbidor cultura y esporte en a billa de Luesia continara informando-tos en tot lo relatibo en a ra cultura y esporte d'o lugar, mesmo de cabo ta cuan de bel bezino.

O Puyal C.F. en zaguerias parixe que rebella y contina quitando puntos en os campos más defezils d'a redolada. O pasau domingo benzio por tres gols a dos frente a Biota, con tres gols de Jorge Terraz, dende istas ringleras a mia más sinzera noragüena ta el y ta ra colla. A colla ya ye nuebena con beintiun puntos, a dos no más d'Uncastillo que ye güeiteno. Si se contina asinanas encara con cuasi toda a segunda ronda por chugar l'esbenidero d'a colla puestar falagüeño.Iste domingo os royiblancos besitaran Erla, un campo asabelo de defizil que no traye buenos remeros, pero ixo yeran atros tiempos....

Entalto Puyal C.F.!!!Entalto Luesia!!!

1ª Puyada Popular B.T.T. ta Puy Moné

2007-12-20T12:21:00.000Z

Ya yera ora de fer y de parar bella autibidá de bizicleta en o lugar, en dó podamos partizipa-ie toz. S'ha presto una mena de "San Silvestre" en B.T.T. t'o diya 30 d'abiento , a ras 11.30 oras, que puya ta Puy Moné (1303 m.) con salida en o lugar (Pabellon Polibalen). No más son 10 kilomtros y se mira de fer una borina ziclista ta despedir l'año, no tiene carauter competitibo y ye debaldes, l'unico premio ye pasar-lo bien, y redir-se tot posible.

Tot isto ye posible a ra organizazión de José Antonio Calvo y d'iste mesmo blog, que combidaran a caba a toz que i puyen y partizipen en a marcha. Se mira de chuntar a mayor cantidá posible de ziclistas de toz os rans y que cadagún i puye a ra suya marcha.

Animate-ie y puya ta Puy Moné con a tuya bezi!! que millor traza de rematar l'año beyendo os paisaches de toda la redolada dende iste puesto?!

...cabo d'año esportibo

2007-12-20T11:59:00.000Z

Rematamos l'año y femos un chiquin repaso a ras collas t'analizar lo feito and'agora. ¿Que cal dizir d'o Puyal C.F.? ha dao un brinco de calidá en ista añada y dize adios a l'año ganando contra Sos C.D. por tres gols a un, un resultau prou chusto si rezentamos a delera que bi eba en fer un buen partiu. En cheneral s'ha bisto una amilloria en a colla y o ran de chuego, y ya en son son dezimos en a clasificazión a bels pcos puntos d'os primers puestos... son estaus una d'as sorpresas en iste ran y encara lis manca asabelo que dizir a resta d'a liga.

Cal remerar o prousimo dia 29 d'abiento se fera una zena en Luesia en a que yes combidau , en dó bi estaran toz os chugadors y afizión, (podez eslexir dentre dos menus) dimpues bi abra borina y baile.

Por otro costau os nuestros amigos d'Asín, o corraldebartolo.com rematan l'año estando campiones d'ibierno, aluzernante!! en a suya primer añada en o ran de Plata, dimpues de que puyaran a zaguera temporada. A rasmia y delera que contrimostran be d'estar o secreto d'iste ecsito esportibo. Toz somos bien argüellosos d'els y asperamos beyer-los iste nadal por Luesia.

Aqui tos dixo un bideo resumen d'e l'año:

Cultura y esporte por a integrazión en Fuencalderas

2007-12-10T16:04:00.000Z

Una begada más, Ricardo Garcés, nos dio un platero exemplo de solidaridá y de luita por a integrazión parando una trobada por a integrazión d'os disminuius d'ASIMAZ de Fuencalderas. Iste auto organizato a pachas dentre Fuencalderas y Luesia , consistia en una larga chornada plena d'autibidaz y esporte en a Billa, dende chuegos y esportes tradizionals, anda un partiu de futbol dentres os más chobens de Fuencalderas con a colla infantil d'o Puyal C.F.

En a chenta , que se fizo serbir como remanataza d'a chornada, dó nos chuntamos buen camatón de chen, bels chugadors d'o Puyal C.F., Chusé Alegre como representan de l'Asoziazión Cultural Fayanas, chen y amigos de Fuencalderas y de Luesia... pasamos buen ratico y tamien i estio un chiquin omenache a Ricardo, qui tanto le'n merexe por tot o treballo y rasmia en a luita por a integrazión....y ramatemos a tardi cantando buena Jota con os amigos d'ASIMAZ.

Un'abraza ta toz y aspero tornar a beyer-nos lugo!

Rematau o VII Concurso de Fotografia Rural

2007-12-10T15:24:00.000Z

Como ya yera sabiu, dende fa bels diyas, y tamien meso en istas ringleras, iste cabo semana s'amostron todas as obras de fotografia d'o VII Concurso de Fotografia Rural, organizau, como no, por l'Asoziazión Cultural Fayanas; en o Pabellon Polibalen.

Bi eba tres rans: Cheneral, premio naturaleza y premio por botazión populas ta ras obras de Luesia. Cal dizir o numero de partizipans estiaño estio muito numeroso, con obras bi plegadas de muitos puestos d'o País, mesmo de difuera,y de muito ran. Asinas se consolida iste Concurso en os calendarios d'os amantes d'a fotografia.

Podez beyer as obras premiadas en :http://www.acfayanas.org/fotografia.html

Y animatos a partizipar-ie cara l'año binien!

¿Dó ye Luesia?

2007-12-03T22:24:00.000Z

Parix que en bels meyos de comunicazión o mesmo en o rete, que se suposa que ye a "biblia" d'a informazión no se nos tiene en cuenta. Isto ye una imachen d'o mapa d'As Zinco Billas que he pillau en a seczion de torismo de Red Aragón (Portal d'entrada a internet ta toz os aragonesés; como asinas se uato definen) ¿igual ye que nos nos consideran aragoneses?, o ¿Igual ye que no bi ha torismo en o lugar?¿ Igual ye que no tenemos dreito a salir-ie por que i somos pocos?... o quesio, pero lo que si se, ye que tenemos que fer-nos sentir y chilar, por que istas cosas no nos pueden pasar, antimás cuan somos asperando que declaren Lueisa Bien de Intres Comun. No me cuaca pensar mal d'a chen y menos d'os bezins que s'amedrantan cuan se i amana o lupo pero.... Si querez fer una queixa lo podez fer en www.redaragon.com/info/contacto.asp, yo he feito a mia.

lo podez beyer en :http://www.redaragon.com/turismo/mapas/cvi.asp Se diz que os de Lueisa no somos en o mapa...chumba la chumba la chun.....!!! Y tamien manca de meter Lobera D'Onsella , Os Pinatanos, Malpica D'Arba....!! aluzernante !!!

A comarca estrena en Luesia una ruta de bials y camins

2007-12-03T22:00:00.000Z

A Comarca, Adefo Zinco Billas y Zider Prepirineo, han presentau en Luesia o nuebo rete de bials y camins por a redolada, asinas como una topoguia que incluye 21 tripticos archibados en un aczesorio de plastico.

Con un coste aprocsimau de 130.000 euros y 250 kilometros de bials y camins balizaus, iste proyeuto ye clau ta dar a conoxer as cualidaz meyoambientals d'a redolada.Jose Luis Pola, presiden d'a Comarca inzide que dende ista instituzión se treballa ta estudear os puntos fuertes de cada poblazión "d'ista traza podemos treballar en positibo, ya que grazias a proyeutos como iste de promozión toristica podemos bertebrar o territorio y fixar chen en os lugars". José Luis Abenia delegau de promozion toristica d'a comarca , comenta que os beintiun bials marcaus tienen esferens dificultaz " a dificultá ye prou bariada, bi ha rutas familiars d'una ora, y más esportibas que'n plegan a durar seis oras.Tamien a topografia marca a dureza d'as rutas". L'obchetibo ye fomentar unatra traza de fer torismo en a comarca, si ya esiste o torismo cultural " queremos plenar a ufierta con rutas meyoambientals. Dar más posiblidaz t'o biachero que bi s'amana".

Aqui tos dixo un bideo, encara que sia en castellano:

¿O gaitero d'o lugar toca o mesmo u toca mal? LUNA 2- PUYAL C.F. 2

2007-12-03T21:41:00.000Z

Peren s'ha dito que can qu'escañuta rai, pero agora ye de dar que a colla royiblanca escañuta y muerde , y lo fan con razón antimás de con rasmia. Pues o pasato domingo 2 d'Abiento empato a dos gols en casa d'o lider, dimpues d'ir ganando dos gols a uno. Os gols estión marcaus por Cesar y Raúl, que contimuestran o suyo gran estau de forma, pero uno d'os protagonistas d'a chornada estio o canzerbero royiblanco , o lunero Javi Lasierra "Usia", que se concarba a la suya ex-colla, con a presión que teneba. Con tot y con ixo a suyas interbenzions baixo l'arco estio fundamentals cara'l resultau final; un gran patiu por parti de "Usia" , e ista begada si que cal dizir que o gaitero d'o lugar toco de puta mai!

O procsimo partiu se chuega con Sos C.D. en o campo local de Rivas

Luesia quiere continar charrando

2007-11-13T20:59:00.000Z

En os zaguers abanproyeutos d'a "Lai de luengas", Luesia se ha quedau difuera d'a zona aragonesofablan, e ixo ye o punto de partida d'ista mena de rispuestas y aizions legals encabezatas por l'Asoziazion Cultural Fayanas.

Ista Asoziazion ha enzetau a parar un lista d'autibidaz y queixas a ras instituzions publicas risponsables d'a "Lai de luengas d'Aragón", antimas de fer autibidaz como charradas, talleres de luenga aragonesa( o primero se fizo iste berano pasau), una seczion en aragonés en rebista La Carracla....

A nueba Plataforma d'Esfensa de l'Aragonés (PEA, podez beyer a suya pachina en a sezión d'Enrastes), refirma iste mena d'aizions en os lugars en cheneral, y de Luesia, agora, en particular, animando a continar una luita por conseguir unos dreitos lingüisticos de toz os puestos d'Aragón. PEA aduyara en a mida d'o posble as iniziatibas luesianas ta conseguir os suyos obchetibos.

Agora más que nunca os luesianos emos de contimostrar que istos abanproyeutos son atentados lingüisticos contra o lugar de Luesia, y más que más contra Aragón;con tot y con ixo no dixaremos de charrar y amostrar ista luenga a ros más chiquines, no rebleramos, ni aturaremos anda conseguir os nuestros obchetibos.

Charra, por a dinnidá de Luesia , d'Aragón y de l'aragonés!!

Aqui tos dixo un bideo sobre l'aragones en o pirineo, sisquia bel diya en otras partis d'a nuestra redolada os ninos tiengan o dreito de charrar aragonés tamien:

China-chana . Puyal C.F.3-0 Pinsoro C.D.

2007-11-13T18:31:00.000Z

Y asinas ye, china-chana y buen pie a colla luesian ye fendo-se camin dentre os grans d'a liga, continan amostrando un buen chuego y quitando puntos.

A zaguera bictima d'o Puyal C.F. estio a colla de Pinsoro. O partiu enzeto una mica barrenau y estio aprofeitau por os royiblancos t'apretar dos goles ascape, tot ixo en nomás que 7 minutos, l'atro se fico en o preto d'a segunda parti. Os goleadores estion ista begada Cesar, Jaime y Salvo. Enoragüena a toz, y a ra colla en cheneral. O prousimo partido estara contra Urrea o domingo binien.

Entalto Puyal C.F.!!

A ixena. PUYAL C.F. 1-1 ERLA

2007-11-05T21:38:00.000Z

Encara que o resultau no ye o que no ese feito goyo de berdá, podemos dizir que somos contentos, más que más , por o buen chuego e imachen d'a colla en cheneral. O sabado 3, a ras 16 oras en o campo de Rivas , con buen orache y con as gradas a rebutiar por a Rasmia royiblanca que no aturo d'animar a ra suya colla en dengun inte, cosa qu'empento o buen chuego d'os luesianos, o Puyal C.F. se concaro contra l'Erla C.D.

A la fin d'a primera parti, o resultau no yera guaire optiminsta, pues o Puyal C.F. perdeba por un gol; con l'empezipie d'o segundo tiempo, os royiblancos salión enristindo con rasmia y Chabi Burzuri, de capeza empato o partiu con un angunioso gol que zelebro con a barrenada afizión royiblanca. Cuan tot ya parezeba rematau, un tiro t'o larguero de Sabino quito l'auforia de toz, chusto cuan más s'animaba dende as gradas. A colla ye nobena en a clasificazión, con 4 puntos y manca muito , pero muitismo ,por luitar, sufrir y ganar.

A la fin, buen chuego, se ye indo por buen camin, más que más, si anticomparamos con a pasada añada. Y ye que l'obchetibo no ye unatro, que amillorar cada diya, encara que sia china-china.

Entalto Puyal C.F.! entalto Luesia! RASMIA ROYIBLANCA CHUNTO A TÚ!

L'Asoziazión Cultural Fayanas no atura

2007-11-05T20:46:00.000Z

Iste cabo semana zaguero, ha estau pleno d'autibaz prestas por l'Asoziazión Cultural Fayanas como ya ebanos dito antis en iste mesmo blog. Ista asoziazión para toda mena d'autibidaz durante tot l'año , ta todas edaz, y en toz os cabos d'o lugar, ye enluzernante o treballo de una serie de presonas, un treballo que cuasi no se beye, pero que sin de el, no bi abria garra autibidaz cultural en o lugar. Grazias A.C.Fayanas!

O sabado i amanexeba fredo y con bella boira por as bals, pero con tot y con ixo un zentenar de senteristas s'amanón t'o Camping de Pielago, prestos ta l'abentura de fer-se una gamaba por uno d'os mons más desconoxitos, y a la par de polidos d'o país. A la fin o diya estio perfeuto ,un buen orache acompaño a lo lunego d'a gambada de 8,8 km, y una chen enluzernada felizito a ra organizazión, no solo por o recorrido si no tamien por o mon que tenemos en o Luesia, tot dimpues d'una buena chenta en o Pabellon Polibalent de Luesia.

Pero isto no atura asti, o domingo, cuasi con a resaca d'o baile que bi abio, nos yera asperando "VI Cross popular billa de Luesia" en o plano d'a Bal, uno d'os millor d'a probinzia, con una partizipazión de 180 esportistas de toz os rans y puestos d'Aragón, mesmo de Nabarra, de muita calidá, con chen en ran senior como Felipe Carnicer antimas d'os africanos d'o club atletimso Zoiti de Uesca.

O club atletismo "5 Villas" otra begada, estio o club más numeroso , que ye abezando-se a benir ta Luesia a fer o suyo esporte faborito, atletismo. Y como no, chenta en o pabellon de Luesia ta rematar a chornada.

Grazias por benir-ie a toz y tos asperamos l'año binien con gran delera.

Podez beyer as clasificazions en: http://www.acfayanas.org/

XI Chornadas Micoloxicas 2007

2007-10-02T22:44:00.000+01:00

Os diyas 26 y 27 d'Otubre se zelebrara en Luesia as "XI Chornadas Micoloxicas":

Como nobedá o diya 26 ,biernes, se proyeutara un documental sobre a istoria y funzión d'as setas y fongos t'aduyanos a conoxer-los millor.

O sabado 27, en iremos t'o mon, ta replegar toda mena de setas y fontos que i trobemos t'a binien clasificazión feita por espertos de 10.30 anda 16.30 oras.

Bi habra, tamien , un año más , una chenta popular en o camping de Pielago , si l'orache nos dixa, a un modico pre, organizau por o Conzello.

Un cabo semana pleno d'autibidaz (3y4 de Nobiembre)

2007-10-02T21:45:00.000+01:00

O primer cabo semana d'o mes de Nobiembre, ye pleno d'autibaz esportibas en o lugar, autibadaz baixo a siña de l'Asoziazión Cultural Fayanas, feitas ta todas edaz y gustos.

O sabado 3 se zelebra a II Marcha Senderista, reglada por a Federazión Aragonesa de Montaña (FAM), partindo a ras 9 d'o maitin d'o Camping de Pielago, o plazo d'inscripzión remata o diya 30 d'Otubre y o pre ye de 10 euros ta mayors y 5 os chiquines , t'os federados os pres son de 8 y 4 euros respeutibamen.O numero masimo d'inscrpzions de 150 personas, apunta-te-ie ascape!!

A l'otro'l diya, o domingo 4 de Nobiembre, torna o prestichioso "VI Cross Popular Billa de Luesia", en o plano d'a Bal, una d'as zitas importans t'os atletas d'a redolada y de muitos puestos d'o país, espectaclo asegurau. A prueba ye ta toz os rans, asinas que no tienes escusa de apretar a correr.

Se diz que l'Asoziazión Cultural Fayanas, tamien ye parando de cara a ra primabera binien, una marcha senderista "xtrem" de 40 km y 12 oras de durazión, tos tendremos informaus aguardando nuebas notizias d'ista intresan autibidá.

Ta beyer os reglamentos d'as autibidaz o más informazión , puncha en :http://www.acfayanas.org/deportivas.html

Torna a botinada royiblanca. PUYAL 3-BAREDENAS 5

2007-10-01T15:31:00.000+01:00

A borina d'o futbol dominical torna ta Luesia, a millor afizión d'a liga baixo ayer domindo 30 ta Rivas, ta beyer a lo suyo equipo, ista begada , ta beyer un partiu prou reñido que no bels d'a pretemporada, un partiu que se chugaba contra una d'as collas mas fuertes d'a liga, Bardenas.

O Puyal. C.F. perdio por tres gols a zinco, contra os colonos. Os gols luesianos estion marcaus por Cesar Aragües, Jorge Terraz y o choben Hector Escartin , que debutaba en partiu ofizial con a colla, y en a liga, sisiquia contine asinas!

Remerar as baixas importans qu'enristen a l'equipo, a la ya sapida de Carlos Relancio, sumar a de Chusé Pesacador, que s'amolo en o zaguer partiu de pretemporada contra Uncastillo, y que parix estar que bi estara de baixa bels patius más. Chusé ye uno d'os zelebros d'a colla en o zentro d' campo, y li desayamos una repeda ricuperazión, como a Carlos Relanzio.

O prosimo partiu se chugara en Castilliscar contra a colla d'a mesma Billa o binien 21 d'otubre, dimpues d'o paron causau por a festibidá d'o Pilar. En primeras ha d'estar un partiu más igualau que no'l de Bardenas, y que asperamos con delera a primera bitoria d'o Puyal que s'enchegue a maquina royiblanca de l'afizión.

ENTALO PUYAL!!! ENTALTO LUESIA!!!

Relancio se creba o cubito

2007-09-21T00:15:00.000+01:00

Carlos Relancio tenio un aziden laboral en a interpresa an que treballa o pasau martes 18, crebandose asinas parti d'o güeso d'o cubito en o brazo, con un fuerte garrampazo, estio operau a l'otro'l diya y parix que a suya ricuperazión contina con normalidá, aguardando que pueda salir de l'ospital antis con antis, ta reposar en casa.

Carlos ye chugador d'o Puyal C.F. y no mas podemas adebantar que sera baixa bels meses, asinas que solo nos queda desayar-le una rapeda ricuperazión y animar-le ta poder beyer-lo luego por o lugar.

Animo Carlos!!

S'amana o VII Concurso de Fotografia Rural

2007-09-18T21:47:00.000+01:00

Parix que estio ayer cuan se fazio o primer concurso de fotografia rural de l'Asoziazión Cultural Fayanas, y ya son siete os años d'iste prestichioso concurso, que ye pillando asbaela fama por tot Aragón y s'aspera una importan partizipazión en ista zaguera conbocatoria, con imortans premios en metalico. O palzo de presentazión d'obras remata o prosimo 31 d'Otubre, asinas que tos durmaz y marchar-tos ent'o mon, ent'a carrera u do sia, ta fer as bustras afotos, ascape.

Si querez partizipar-ie, no mas tenez que leyer as bases en: http://www.acfayanas.org/

Tos animo a fer as buestras afotos y quitar-tos o millor fotografo que bi h'adentro de busatros.

Peña continara en L'Alcora

2007-09-16T20:56:00.000+01:00

Manu Peña contira en o primer equipo de L'Alcora, que chuega en a colla E d'a liga EBA. Tras refuras bella ofertas de collas foranas, Inaco-Alcora-caixa Rural, que asinas se diz o nombre d'a colla, cuenta con Manuel cara l'añada binien como parti importan d'iste nuebo proyeuto, contando con che choben y de calidá, tras muitos años luitando por iste polido esporte.

Antimas estara una pieza clau en a cordinazión d'a cantera y remata dizindo: "soi prou satisfeito, encara que o gaitero d'o lugar toca o mesmo u toca mal, en o club en do he creziu como esportista,pero parix que ye plegando, l'haber teniu ofertas foranas a feito ubrir os güellos al club alcorino. A la fin, que contino apostando por o balonzesto, o treballo y a delera"

muita suerte campión! asperamos beyer-te luego por o nuestro lugar!!

O Puyal C.F. enriste contra Sos C.D.

2007-09-16T20:48:00.000+01:00

Iste pasau sabado, a colla d'o puyal goleo a ra colla de Sos, en un partiu con una platera dominazion royiblanca.Os luesianos no notaron as baixas de bels chuhadors tetulars a lo luengo de l'añada futbolera, mesmo se dio opurtunidaz a os más chobens. Parix que con iste resultau bi ha una miquina mas de delera y rasmia cara l'empezipie d'a liga regular o prosimo 30 de setiembre, en o campo de Rivas ( campo local a la fin!!) frente Bardenas .

SOS 2-PUYAL 11

Campionato comarcal de Tiro de Barra

2007-09-07T00:06:00.000+01:00

Os chuegos tradizionals aragoneses, ban pillando afizión y delera dentre as chens d'a redolada,(encara luen de puestos bezinos como Euskadi u Catalunya) en gran parti grazias a o treballo de l'asoziazión en esfensa de ista mena d'autibidaz de Valpalmas/Balpamas.

Iste begada, toco en Luesia zelebrar o campionato d'a redolada (2 setiembre) , con ausenzia de muitos d'os masimos faboritos ,en benefizio de o local Isaac García, que consiguio batir a toz os suyos ribals, en o ran absoluto y lebarse o titol de campión comarcal.

Gran partizipazión d'os luesianos y azeutazión dentre os mesmos. Podez beyer mas informazion y retratos en o puesto web de l'asoziazión cultural Fayanas : http://www.acfayanas.org/

Aqui tos dixo un bideo que amostra cuasi toz os chuegos tradizionals d'Aragón, ta que tos animez a prauticar belun:

Corrida solidaria Luesia 2007

2007-09-06T23:44:00.001+01:00

O pasau 1 de setiembre se zelebro en o nuestro lugar, una corrida solidaria, con a fin d'aduyar a organizazions que treballan por os demas, en iste caso ASIMAZ (Fuencalderas) , ta integrazión d'os discapazitaus por sindrome de down u culsiquier discapazidá mental. Luesia estio un lugar prou cheneroso, plegando a recullir una gran cantidá de diners por denzima de unatros puestos , como Exea, Binefar....

En o esportibo, cal dizir , que l'atleta altorargonesa, olimpica, Maria José Pueyo fazio de madrina en a prueba y aduyo en tot inte a ra organizazión. As corridas estión ta toz os rans, infantil , cadetes, popular, y senior.

Destacar as partizipazions d'atletas luesianos de prestichio, encara que ista no siga a suya espezialidá como os chirmas Hector y Guillermo Aragües, esportistas d'o club d'atletismo de tauste Rio Arba, en o ran popular sufrida y merezida bitoria de Javier Burzui.....en senior, granizos atletas y de toz os puestos d'o país...pero remero que os resultaus estion lo de menos, cuan beyeba-nos a riseta de ixos amigos de Fuencalderas que tan bien se lo pasón y difrutón, tot isto acompañau de mosica de ronda ,que fazión bailar a os ganadors a la rematanza d'a corrida o popular baile d'o pirin. Enhoragüena a toz.

Agradixer dende aqui o gran esfuerzo de Ricardo Garcés, ta treyer iste tipo de corridas a Luesia y mesmo en tot lo que ye meso, garazias Richi

Pretemporada irregular d'o Puyal

2007-09-06T18:21:00.000+01:00

No cal amagar as ansiars d'a che , de emepezipiar a liga regular. Con to y con ixo a colla ye chugando bels partius en do os resultaus han estaus prou bariaus, dimpues d'empatar con Rivas, un rezien puyato a 1ª Rechional, a colla caye por goleadqs contra Pinsoro C.D. y Sadabense (tamien de !ª Rechional). Encara se sape cosa de que campo se fera serbir como local.

Tamien cal remerar o nuebo y defentitiu fichaxe ta a porteria de Javier Lasierra ("Usia") encara que no de Lueisa ta muitos de nusatros como si lo estase, o Lunero ye una persona muito querida en o lugar , antimas de tener nobia de Luesia...

Tos iremos informando d'as notizias esbenideras.

Istos son os resultaus:

Rivas 1- Puyal 1

Pinsoro 8- Puyal 0

Sadabense 6- Puyal 1

ilusión no manca, Puyal entadeban!

Buena autuazión de Carlos en a Larra-Larrau (Isaba/Izaba)

2007-09-06T18:02:00.000+01:00

Dimpues de tot un berano parando ista gran zita, y tras berificar a suya continidá en o mundo d'a bizicleta y d'o ziclismo, Carlos acudio con delera ta ista gran zita, una d'as zicloturistas mas duras d'Europa, con a puyada mitica d'a collada de Larrau-Erroyimendi, unos d'os puertos mas duros d'o Pirineu.

En un maitin de berano en a Bal d'o Roncal,o dia 1 de setiembre, a ras 9:00 Empezipiaba a marcha, en a que Carlos aguanto as enrestidas dende a primera costera y remato 17º en a cheneral, y 5º en o suyo ran, dentre 1200 ziclistas. A la rematanza d'a corrida , Carlos reconozia: "he sufrido muito en Belagua, pero he iu ricuperando sensazión que fa bels meses que no en teneba, y me he trobau prou fuerte en Larrau ,en do he aguantau bellas enrestidas , a berdá ye, que soi asabelo de contento por o resultau , y iste resultau me da muita confianza cara a ra prouxima corrida o 23 de setiembre en Oiartzun (Nabarra), corrida d'o mio ran, ziclomaster, en do rematare l'añada"

I TALLER D'ARAGONES

2007-06-28T20:32:00.000+01:00

Ista polida luengua empento o desembolique d'site blog, ista luenga ye una traza de comunicazión con muita chen, ta yo , ye un dreito d'espresion, y ta empentar l'amostranza y crianza en o lugar, que millor que un taller en do podrez bier cuala ye situazión, aprender, conzenzia-tos y sobre tot charraremos, rufiertaremos y nos feremos uans ristas.

Bindo de bislai , a ra posible "lai de luengas "que bi s'amana, y en a que Luesia s'ha quedau difuera, debemos chuntarnos y contimostrar que nustaros, os luesianos tenemos intres por ista luenga y luitaremos por mantener-la, con aduya de tos os bezins y si se presta de todas instituzions locals. Asinas entre toz feremos d'un dreito d'espresion ,que furton a os nuestros güelos, un sistema de comunicazión en do toz nos sentiremos identificaus, a luenga mai, a radiz d'a nuestara istoria, a luenga de toz que luiton por esfender a tierra que pisamos, a luenga de reis, a lunega de tu! Charra mozé!